Nikon Imaging | Ísland | Europe
Sérsniðin fyrir hreyfingu.
Pro Nýtt
D850
Taktu upp „full-frame“-kvikmyndir í 4K-gæðum. Enginn skurðarstuðull. Ekkert suð. Engar málamiðlanir. Slepptu sögumanninum innra með þér lausum með Nikon D850.

Svona er „full-frame“ í 4K-gæðum

Sköpunargáfan þín á það besta skilið. Engar takmarkanir með skurðarstuðli – nú geturðu notað Nikon-linsurnar með fastri brennivídd til fulls til að skila upptökum í kvikmyndagæðum.
Mjög gleið horn og sérlega falleg og grunn dýptarskerpa: Með D850 fangarðu allt þitt myndefni með fínustu smáatriðum. Hægt er að taka upp „full-frame“-kvikmyndir í 4K/UHD-gæðum í 30p og HD-kvikmyndir í allt að 120p. Samsetningin á samfelldum linsum í myndflögunni hámarka ljósið sem lendir á myndflögunni með FX-sniði. Þetta gerir sviðið ennþá virkara og ISO-sviðið einstaklega breitt. Hraðvirkur EXPEED 5-örgjörvinn tryggir þér fallegar og skýrar skrár, lausar við suð, móra og falskan lit. Þú getur tekið upp Time Laps-kvikmyndir í 4K-gæðum í myndavélinni. Og með 45,7 virkum megapixlum geturðu búið til magnaðar Time Lapse-kvikmyndir í 8K-gæðum í eftirvinnslunni eftir sjálfvirka myndatöku með reglulegu millibili.
Meira gagnamagn. Meiri sveigjanleiki.
Með hraðvirkri myndflögu með FX-sniði og sérlega hárri upplausn, EXPEED 5 og Flat Picture Control-stillingunni veitir D850 þér mesta mögulega frelsi í myndatökunni – og í eftirvinnslunni.
Háhraða FX-myndflagan og hraðvirkur EXPEED 5 örgjörvinn tryggja þér ótrúlegt virkt svið. Þú getur tekið myndir allt upp í ISO 12800 eða meira án þess að hafa áhyggjur af suði. Við upptökur á B-myndskeiðum er hægt að sameina þau hnökralaust við upptökur úr hvaða Nikon-myndavél með EXPEED 5 sem er. Í eftirvinnslunni skila gæði D850-skránna þér ótrúlegu frelsi til að gera breytingar og sækja úr þeim hágæða ljósmyndir. Til að fá fram mesta sveigjanleikann í eftirvinnslunni geturðu notað Flat Picture Control-stillinguna í myndatökunni. Þannig geturðu varðveitt öll smáatriði og ríka litatóna, bæði á yfirlýstum svæðum og í skuggum.
Birta minna
Birta meira
Magnaðar hægmyndir
Taktu upp HD-kvikmyndir í fullri háskerpu með rammatíðni upp á allt að 120p. Fangaðu hvert smáatriði með ótrúlegum skýrleika, líka þegar myndatakan fer fram í takmarkaðri birtu.
Vektu aðdáun áhorfendanna með ótrúlega snurðulausum hægmyndum og frábæru ljósnæmi. D850-vélin tekur upp 4x hægmyndir á 120/100p rammatíðni (með myndskoðun í 30/25p) eða 5x hægmyndir á 120p (með myndskoðun í 24p) ¹. Myndgæðin eru framúrskarandi skýr á öllu ISO-sviðinu 64–25600, sem auka má úr 32 í 102400 (jafngildi). Og sjálfvirkt ISO í M-stillingu gerir þér kleift að stilla hæstu ISO-stillingu sem þú vilt nota: Þetta hentar sérlega vel þegar skilin á milli dökkra og ljósra svæða eiga ekki að vera skörp. Eða alveg öfugt.
Birta minna
Birta meira

Fullkomin lýsing

Úr ljósu í dökkt og aftur til baka. Stjórnaðu lýsingunni með yfirlýsingarmiðaðri ljósmælingu og randastýringu fyrir yfirlýst svæði.
Hugsanlega verða yfirlýsingarmiðuð ljósmæling og birting á yfirlýstum svæðum tvö mikilvægustu tólin í verkfærakassanum þínum. Yfirlýsingarmiðuð ljósmæling setur bjartari hluta myndarinnar í forgang til að skila betri lýsingu og komast hjá bjögun vegna yfirlýsingar. Randastýring fyrir yfirlýst svæði sýnir nákvæmlega á skjá myndavélarinnar hvaða svæði eru yfirlýst. Hægt er að velja á milli tvenns konar randamynstra til að þú getir ávallt séð yfirlýst svæði skýrt, alveg sama hvaða áferð eða mynstur eru á viðfangi myndarinnar. Og þú getur stillt birtustig skjásins frá 180-255, allt eftir þörfum hverju sinni.
Fullkomin skerpa
D850-vélin gerir kvikmyndatöku á FX-sniði hátæknilega. Fáðu svörun umsvifalaust þegar þú skiptir hratt um fókus í miðri senu.
Sjáðu með skýrum hætti hvað er í fókus þegar þú tekur HD-kvikmyndir í fullri háskerpu. Myndavélin greinir brúnirnar þar sem birtuskilin eru mest í senunni og auðkenna þær svo þú getir strax séð hvaða svæði eru í fókus. Þú getur valið um rauða, hvíta, gula eða bláa auðkenningu og hægt er að stilla greiningarnæmnina á þrjú ólík stig. Skjár myndavélarinnar er með hárri upplausn og miklum birtuskilum og þannig sést mjög vel á hann í hvers kyns birtuskilyrðum. Þegar tengt er við beint HDMI-úttak eru fínstillingarupplýsingar ekki skráðar á ytra tækið.
Birta minna
Birta meira
Allar senur eru í þínum höndum
Skjárinn er með hárri upplausn og fjölbreyttum snertistýringum sem auðvelda þér að stilla upp rammanum og taka myndina.
Hallaðu 8 cm (3,2 to.) LCD-snertiskjánum með hárri upplausn þannig að þú náir myndum í aðstæðum sem einfaldlega væru ekki mögulegar á annan hátt. Hægt er að stilla birtustig og/eða litblæ til að stilla skýran fókus fyrirfram og fá yfirlit yfir myndatökuna í hvers kyns aðstæðum. Hægt er að velja sérstakar stillingar fyrir kvikmyndatöku í aðgreindum valmyndarskjá fyrir kvikmyndir, án þess að hafa áhrif á fyrirliggjandi hefðbundnar stillingar, en með þessu verður auðveldara að skipta á milli stillinga. Ef þú ýtir á i-hnappinn geturðu opnað kvikmyndastillingarnar á meðan lokarinn er í gangi.
Birta minna
Birta meira
Fullkomin aðlögunarhæfni
Það er auðvelt að ferðast með D850-vélina og leikur einn að stilla henni upp. Í stúdíóinu eða á vettvangi geturðu notið ávinnings af óþjöppuðu HDMI-úttaki, rauntímagreiningu á hljóði og hljómjöfnunarvalmynd.
D850-vélin býður upp á 4:2:2 8 bita óþjappað HDMI-úttak og upptöku myndefnis í fullri upplausn í myndavélinni samhliða upptöku með ytri upptökubúnaði. Gögnin eru send út í forstilltri myndastærð og rammatíðni og upplýsingayfirlögn, sem er hægt að birta samtímis á TFT-skjá myndavélarinnar, er hreinsuð út. Ef ytra upptökutækið sem þú notar er samhæft við Atomos Open Protocol geturðu samstillt upphaf/stöðvun á upptöku kvikmynda á milli tækja. Víðóma hljóðnemainntak og hljóðúttakstengi gera þér kleift að fínstilla hljóðstyrk sérstaklega, bæði fyrir myndatöku og meðan á henni stendur. Og þegar þú ert að taka upp á vettvangi getur nýja hljómjöfnunarvalmyndin auðveldað þér að koma í veg fyrir bjögun. Þú virkjar einfaldlega hljómjöfnunina og myndavélin dregur sjálfkrafa úr næmi hljóðnemans eftir þörfum. Þetta hentar sérlega vel í aðstæðum þar sem hljóðstyrkur í umhverfinu getur tekið breytingum fyrirvaralaust.
Birta minna
Birta meira
Betri rafhlöðuending
Með EN-EL15-rafhlöðunni geturðu tekið upp kvikmynd í meira en klukkustund. Meira en þriggja klukkustunda myndataka með MB-D18 fjölvirkum rafhlöðubúnaði.
Orkunýtin aflrás D850-vélarinnar og EXPEED 5 myndvinnslubúnaðurinn gera að verkum að lengri tími má líða á milli hleðslu. Með einni hleðslu á EN-EL15-rafhlöðunni er hægt að taka upp allt að u.þ.b. 70 mínútur af myndböndum. Einnig er hægt að nota MB-D18 fjölvirka rafhlöðubúnaðinn (með EN-EL18B-rafhlöðunni úr D5-vélinni) sem aflgjafa og taka upp í allt að u.þ.b. 215 mínútur ².
Birta minna
Birta meira

NIKKOR færir þér forskot

Hraðvirkar f/1,4 og f/1,8 Nikon-linsur með fastri brennivídd gefa þér einstaka stjórn við öll birtuskilyrði. Einstök upplausn, jafnvel þegar myndað er með stærsta ljósopi.
Notaðu NIKKOR-linsubúnað og D850-vélina til að mynda einstaklega öflugan kvikmyndabúnað. Kvikmyndagerðarmenn lofa NIKKOR-linsurnar í hástert fyrir skerpu og framúrskarandi myndþýðingargetu. Stórt myndsvæðið sem byggist á FX-sniði vinnur einstaklega vel með upplausnargetu hröðu linsanna með fastri brennivídd frá Nikon og virkja þannig ótrúlega dýptarskerpu vélarinnar. Skapaðu persónulegt andrúmsloft með NIKKOR 28 mm f/1,4 linsunni sem státar af gullfallegum „bokeh“-áhrifum. Eða auktu breiddina og taktu upp með NIKKOR 20 mm f/1,8 linsunni sem veitir góða heildarsýn.
  1. Við tökur á hægum kvikmyndum stillir myndavélin myndsvæðið sjálfkrafa á DX og virkjar víða AF-svæðið.
  2. Allar upplýsingar um endingartíma rafhlöðu við myndbandsupptökur eru byggðar á CIPA-stöðlum.

D850

{}