- Heim
- Vörur
- Þjónustuver
- Söluaðilar
- Fræðsla
-
Fréttastofa
-
- Fréttir af vörum15-06-2017Minningarlíkön og -vörur í tilefni 100 ára afmælis Nikon nú til sölu
-
FRÉTTIR OG FRÉTTATILKYNNINGAR FRÁ FYRIRTÆKJASVIÐI
- Nikon Samfélagið
Nikon Imaging | Ísland | Europe
Fangaðu myndefni sem augað greinir ekki með D5 – kraftur og nákvæmni sem stenst allar áskoranir.
D5-myndavélin er búin næstu kynslóð 153 punkta AF-kerfis, sem heldur í við ljósmyndarann hvort sem verið er að mynda kappreiðar eða stjörnur á rauðum dregli. Sjónarhornið er einstaklega breitt og með nýju biðminni er hægt að taka allt að 200 NEF (RAW) myndir í einni hraðri myndaröð. Nýjar mynd- og ljósmælingarflögur tryggja lygilega nákvæma greiningu myndefnis, þar sem hvert smáatriði fær að njóta sín. Myndavélin er með mesta ljósnæmi í sögu Nikon og veitir frelsi til að taka myndir jafnt í skæru sólarljósi og við stjörnum prýdd ljósaskipti. Fyrir kvikmyndatökumenn sem vilja fara alla leið og lengra er nú einnig hægt að nota D-kvikmynd til að taka upp 4K/UHD-kvikmyndir með myndavélinni.
Vertu með á nótunum með næstu kynslóð 153 punkta AF og biðminni fyrir 200 NEF (RAW) myndir
Skaraðu fram úr með nýja AF-kerfinu frá Nikon. D5-myndavélin býður upp á einstaklega breitt sjónarhorn með 153 fókuspunktum og 99 krossskynjurum. Hvort sem þú ert að taka myndir af kappreiðum eða stjörnum á rauða dreglinum nærðu góðum árangri við nánast allar aðstæður. Hægt er að elta smágert myndefni á miklum hraða með enn meiri nákvæmni en áður. Auðvelt er að greina myndefni við jaðar rammans og lóðrétt myndataka er mun betri. AF-ljósnæmi niður í -4 EV (ISO 100, 20 °C) tryggir einstök myndgæði í lítilli birtu og allar AF-stillingar hafa verið endurbættar. Kerfið má forstilla á 153, 72 og 25 punkta stillingar með samfellt stilltum sjálfvirkum fókus. Allir 153 fókuspunktarnir eru samhæfir við AF NIKKOR-linsur með opið ljósop upp á f/5,6 eða hraðara og 15 miðlægir fókuspunktar virka með virku ljósopi upp á f/8. Með öflugu biðminni myndavélarinnar er hægt að fanga allt að 200 NEF (RAW)-myndir eða stórar JPEG-myndir í einni hraðri myndaröð: dugar til að mynda heilt 100 metra spretthlaup án þess að þurfa að taka fingurinn af afsmellaranum.
Þú stenst allar áskoranir með einstökum krafti og nákvæmni í einni vél
Einstök afköst D5-myndavélarinnar eru það eina sem þú þarft til að fanga myndir sem sigrast á öllum áskorunum. Af-kerfið er með nýrri AF ASIC-einingu sem tryggir kerfinu hámarksgetu til úrvinnslu myndgagna. Þótt hraðinn sé mikill gefur myndavélin ekkert eftir. Hægt er að mynda allt að 12 ramma á sekúndu með AE/AF-eltifókus, eða allt að 14 ramma á sekúndu með spegil upp. Miklar endurbætur hafa verið gerðar á AF-eltifókus og skýrleika í leitara þegar taka á myndir af íþróttum eða þar sem myndefnið á það til að breyta skyndilega um stefnu. Hraðvirkari lokarabúnaður í raðmyndatöku og spegilbúnaður dregur verulega úr myrkvun leitara við hraða raðmyndatöku. Mesta nákvæmnin fæst með því að nota D5-myndavélina með NIKKOR-linsu fyrir fagmenn sem er með SPORT-titringsjöfnunarstillingu eins og AF-S NIKKOR 600mm f/4E eða AF-S NIKKOR 500mm f/4E. SPORT-titringsjöfnunarstilling skilar einnig stöðugri mynd í leitara þegar eltifókus er notaður á myndefni á miklum hraða. Notaðu D5-myndavélina með annarri hvorri þessara linsa til að fanga óútreiknanlegt myndefni á mikilli ferð með áður óþekktri mýkt.
Skaraðu fram úr með nýjum ljósmælingar- og myndflögum
Að fanga myndefni með D5-myndavélinni er einstök upplifun. Glæný 20,8 megapixla CMOS-myndflaga á FX-sniði og 180.000 pixla RGB-ljósmælingarflaga tryggja lygilega nákvæma greiningu myndefnis, þar sem hvert smáatriði fær að njóta sín. Þessi myndavél nær rétta skotinu, jafnvel við myndatöku af hröðum íþróttaleik innanhúss. Hún nær ekki bara hvaða mynd sem er, heldur mynd með djúpum blæbrigðaskiptum og einstakri nákvæmni. D5-myndavélin er einnig með nýjan 8,0 cm, 2.360.000 punkta LCD-skjá sem býður upp á snertiaðgerð í myndskoðunarstillingu. Viðbragðstími þessa háskerpuskjás er sambærilegur við snjallsíma, sem þýðir að auðvelt er að skoða og velja réttu myndirnar á augabragði. Ef þú notar myndatöku með skjá geturðu notað snertiaðgerð til að breyta fókuspunktinum eða fá forstillt gögn um punkthvítjöfnun út frá völdu svæði í rammanum. Picture Control 2.0 veitir jafnvel enn betri stjórn og auðveldar skilgreiningu færibreytna hvort sem þú ert að taka ljósmyndir eða kvikmyndir. Eftirvinnslan er leikur einn með forstilltri flatstillingu sem tryggir breiðasta mögulega virka sviðið og skýrleikastillingu til að fínstilla smáatriðin.
Jafnt í skæru sólarljósi og við stjörnum prýdd ljósaskipti: Fangaðu myndefni sem augað greinir ekki
Með D5 hefurðu alla möguleika á myndatöku í lítilli birtu í hendi þér. Með hefðbundið ISO-svið upp á 100 til 102.400 og mesta aukna ljósnæmi í sögu Nikon er það þitt að ganga skrefinu lengra. Ný EXPEED 5 myndvinnsluvél myndavélarinnar skilar myndgæðum sem ekki hafa áður þekkst á hefðbundnu ISO-sviði. Þessar skýru myndir fást með notkun merkjavinnslukerfis sem er sérstillt fyrir 25% hærri pixlatölu nýju myndflögunnar. Dregið er verulega úr fíngerðu suði og meira að segja skornar myndir sem teknar eru með háu ISO-ljósnæmi halda gæðum sínum. Með einstöku verkfræðiafreki er nú hægt að auka ISO-sviðið í jafngildi ISO 3.280.000 í Hi 5-stillingunni. Þessi ótrúlega háa ISO-tala er hönnuð fyrir sérhæfða notkun, til dæmis eftirlits- eða öryggiskerfi, og með henni er hægt að fanga litmyndir án þess að nota flass við stjörnum prýdd ljósaskipti, þegar sólin er við það að koma upp eða setjast, sem jafngildir lýsingunni 0,001 lúx, sem er ótrúlega lítið.
Farðu alla leið: 4K D-kvikmyndir með hárri upplausn
D5-myndavélin er fyrsta Nikon DSLR-myndavélin sem getur tekið upp 4K/UHD-kvikmyndir með hárri upplausn og býður því upp á margfalt betri kvikmyndatökumöguleika en D4S. Hægt er að taka upp 4K-kvikmyndir (3840 x 2160 pixla) með 30p/25p/24p með skurði á upprunalegum pixlum, punkt fyrir punkt, en þannig fást mestu mögulegu myndgæðin. Við töku á kvikmynd í fullri háskerpu (1080p) er hægt að taka upp með allt að 50p/60p rammatíðni á mörgum sniðum fyrir skurð myndflögu, þ. á m. skurð á upprunalegum pixlum í fullri háskerpu. Við upptöku í M stillingu er hægt að stilla ljósnæmi fyrir allar gerðir kvikmyndaupplausnar og allar skurðarstillingar frá ISO 100 og allt upp í Hi 5. Sjálfvirkt ISO býður upp á ISO 200 og upp í Hi 5 og með því er hægt að stilla hæstu ISO-stillingar sem nota á. Myndavélin býður upp á óþjappað HDMI-úttak: Hægt er að taka upp jafnvel 4K-kvikmyndir á minniskortið í myndavélinni eða senda þær óþjappaðar um HDMI með 8 bita 4:2:2 YCbCr. HDMI-úttak er í boði fyrir allar gerðir kvikmyndaupplausnar í þráðlausri myndatöku.
Ótrúlega hratt verkflæði: myndataka á háhraða og ferfalt hraðari gagnaflutningur
D5 er hraðvirkari, skarpari og auðveldari í meðförum, allt miðast að betri og þægilegri reynslu. Þessi myndavél er hönnuð með athugasemdir frá atvinnuljósmyndurum sem taka myndir allan daginn í huga og dregur mikið úr ýmsum streituvöldum sem fylgja kröfum atvinnuljósmyndunar. Endurbætur sem gera hana handhægari felast meðal annars í hnöppum með skýrari brúnum og línum, sem bjóða upp á betri stjórnun, sérstaklega þegar tekið er gegnum leitarann. Nýjar tvöfaldar raufar fyrir XQD-kort geta auðveldlega sinnt hinni ótrúlegu getu D5-myndavélarinnar til að taka allt að 200 NEF (RAW) myndir í einni röð og tryggja að biðminnið sé ávallt hreint og klárt fyrir næstu myndaröð. Nýtt USB 3.0 tengi býður upp á hraðan flutning á miklu gagnamagni og nú er þráðlausa tengingin og ethernet-tengingin tvöfalt hraðvirkari. Fyrir utan myndavélarhúsið vinnur Nikon-ljósblöndunarkerfið statt og stöðugt með nýja SB-5000 flassinu. Þetta nýja flass notast við útvarpsbylgjur og bætir verulega afköst Nikon-flasskerfa við erfiðar aðstæður.
Meðfylgjandi aukabúnaður
Valbúnaður
Hvað þarf til þess að skapa sígildar myndir? Matthias Hangst íþróttaljósmyndari
Hvað þarf raunverulega til þess að skapa myndir sem verða sígildar? Matthias Hangst, margverðlaunaður íþróttaljósmyndari, lýsir reynslu sinni. „D5 fer virkilega með myndatökuna í nýjar hæðir. Betri ISO-afköst gefa mér færi á að taka myndir með meiri lokarahraða og frysta hvaða hreyfingu sem er. Einu sinni, þegar sólin var að koma upp mjög lágt á himninum, vorum við að taka myndir af leikmanni í hvítri skyrtu til að skoða hvernig D5 stendur sig í myndatöku á baklýstu myndefni við lítil birtuskil. Við tókum um 20 eða 30 ramma í röð og AF-eltifókusinn var alveg frábær.“ Matthias Hangst, margverðlaunaður íþróttaljósmyndari.
Hlustaðu á fagmennina: Ole Jørgen Liodden, náttúru- og dýralífsljósmyndari
Hvað þarf til þess að skara virkilega fram úr sem náttúru- og dýralífsljósmyndari? Hlustið á náttúruljósmyndarann Ole Jørgen Liodden lýsa reynslu sinni. „Einu sinni sáum við tvo unga grábirni að slást eða leika sér í vatninu. Það var mjög dimmt og ég var að taka myndir við ISO 102.400, en myndgæðin voru samt sem áður mjög áhrifarík. Það rigndi nánast á hverjum degi á meðan við vorum að taka myndir í Alaska og myndavélin var yfirleitt blaut, en samt virkaði hún fullkomlega. Það skiptir mig ákaflega miklu máli: Það þýðir að ég er með verkfæri sem virkar við alls kyns aðstæður. Það að sjálfvirkur fókus D5 getur greint myndefni jafnvel við -4 EV er mikilvæg framför.“ Ole Jørgen Liodden, norskur náttúru- og dýralífsljósmyndari.
Heyrðu í fagmönnunum: Bill Frakes fréttaljósmyndari
„Tilfinning í hreyfingu. Það er ekkert hægt að slökkva á sjónrænu viðbrögðunum hjá mér. Ég tek myndir hvenær sem tækifæri gefst, og það er nokkuð oft.“ – Bill Frakes. Um Nikon D5: „Þetta er stórkostleg myndavél. Hún er með alveg ótrúlega nákvæm sjálfvirk fókuskerfi, mikið ISO-ljósnæmi sem er miklu betra en ég hefði áður talið mögulegt og hönnunin er betri en nokkru sinni fyrr. Mér finnst ótrúlega spennandi að fá 4K-skrár úr Nikon-myndavél. 4K er mér mjög mikilvægt vegna þess að ég vil sýna öll smáatriði á skráarsniði sem á eftir að endast um langa framtíð. Ég hef helgað líf mitt því að segja sögur og ég get algjörlega reitt mig á að Nikon dugi mér alla leið.“ Bill Frakes, fréttaljósmyndari, íþróttaljósmyndari og kvikmyndagerðarmaður.
Hraðinn í fyrirrúmi: Mirco Lazzari akstursíþróttaljósmyndari
„Myndin af ökumanninum rétt í því sem hann renndi inn í beygjuna og alveg upp að mér – þú þarft að taka 12 ramma á sekúndu til að ná svona mynd! Það hvernig sjálfvirkur fókus D5 fylgdi myndinni eftir og fangaði hana ásamt góðri yfirsýn leitarans eru tvö stór framfaraskref sem gera þessa mynd mögulega.“ Mirco Lazzari akstursíþróttaljósmyndari.
Í leit að fegurð: Dixie Dixon tískuljósmyndari
„Mér fannst alveg frábært að vinna með D5. Húðblær skiptir ákaflega miklu máli í mínu starfi og mér finnst þessi myndavél virkilega skara fram úr á því sviði. Raðmyndatökuhraðinn og sjálfvirki fókusinn þýða að hægt er að fanga það sem áður var ekki hægt: svipbrigði á hárréttu augnabliki sem skila yfirleitt bestu myndunum. Einnig fannst mér nýi snertiskjárinn afar gagnlegur við að auka aðdrátt á fljótlegan hátt til að athuga skerpu, hár/farða og mörg önnur smáatriði.“ Dixie Dixon, tísku- og lífsstílsljósmyndari.
Hafðu samband