FYRIRSPURNIR
FJÖLMIÐLA

Amsterdam, Hollandi, 23. apríl 2019: Nikon kynnir nýjasta meðlim COOLPIX-fjölskyldunnar, skemmtilegu myndavélina COOLPIX W150. Þessi fyrirferðarlitla ævintýramyndavél er vatnsheld, höggheld, frostþolin og rykvarin. Það er hægt að fara með hana hvert sem er og það er ekkert mál að nota hana.

COOLPIX W150 er svo auðveld í notkun að allir geta tekið framúrskarandi ljós- og kvikmyndir með henni, hvort sem er á snævi þöktum fjöllum eða neðansjávar. Með andlitsinnrömmun í vatni er hægt að taka frábærar myndir í sundlauginni eða á allt að 10 metra dýpi. Svo er myndavélin höggheld úr allt að 1,8 metra hæð svo hún þolir töluvert hnjask í ferðalaginu eða veislunni. Með CMOS-myndflögunni frá Nikon fyrir litla birtu og nákvæma NIKKOR 3x optíska aðdrættinum fást einstaklega skarpar myndir. Með sérstökum kvikmyndahnappi er einfalt að skipta beint yfir í að taka upp HD-kvikmyndir í fullri háskerpu og með steríóhljóði.

Á meðal skemmtilegra eiginleika má nefna margvísleg síuáhrif í myndavélinni, sem auðvelt er að beita, og fjölbreytta valmynd fyrir krakka. Þar er hægt að láta raddskilaboð fylgja með myndum, setja upp fjörugan kveðjuskjá, útbúa skyggnusýningar og fleira. Vatnsheldur aukabúnaður, til dæmis áberandi flotólin frá Nikon, tryggir öryggi myndavélarinnar. Með SnapBridge er síðan einfalt að deila bestu myndunum, eða nota snjalltæki til að fjarstýra myndatöku.

Ines Bernardes, framleiðslustjóri hjá Nikon Europe, hefur þetta að segja: „COOLPIX W150 er frábær, vatnsheld myndavél til að munda og smella af. Krakkar geta leikið sér með hana án þess að foreldrarnir þurfi að hafa áhyggjur og hún fæst í margvíslegum litum. Í helgarfríi með vinum er þessi myndavél alltaf til í tuskið.“

Helstu eiginleikar

• Vatnsheld 10 m | Höggheld 1,8 m | Frostþolin -10 °C | Rykvarin. COOLPIX sem er einföld og þægileg í notkun, þolir högg og kulda og fúlsar ekki við góðu sundlaugarpartíi.
• Andlitsinnrömmun í vatni. Myndavélin tekur allt að fjórar myndir í hvert sinn sem hún greinir andlit.
Útkoman er alltaf góð. CMOS-myndflaga fyrir litla birtu, nákvæm NIKKOR 3x optísk aðdráttarlinsa og 6x Dynamic Fine Zoom fyrir aukið drægi.¹
• Frábærar kvikmyndir. Myndavélin tekur upp myndskeið í fullri háskerpu (1080p/30 rammar á sekúndu) með steríóhljóði.
• Þú mundar bara og smellir af. Hentugustu stillingarnar eru valdar sjálfkrafa. Stór LCD-skjár með glampavörn tryggir góðan sýnileika, meira að segja í vatni.
• Skemmtileg fjölbreytt valmynd. Hægt er að nota einfalda valmynd við myndatökuna eða kveikja á fjölbreyttu valmyndinni, sem er uppfull af gagnvirkum eiginleikum.

Samhæfi við SnapBridge

Áður en hægt er að nota SnapBridge með þessari myndavél þarf að setja upp SnapBridge-forritið frá Nikon fyrir iOS og Android í samhæfu snjalltæki.

¹ Stækkun á Dynamic Fine Zoom er reiknuð út frá minnsta aðdrætti optíska aðdráttarins.