Nikon Imaging | Ísland | Europe

10-09-2019

NIKON Z 6-GRUNNMYNDUPPTÖKUSETTIÐ: FYRIR FYRSTU SKREFIN Í SPEGILLAUSRI KVIKMYNDATÖKU

Amsterdam, Hollandi, 10. september 2019: Nikon kynnir í dag fyrsta spegillausa myndupptökusettið bæði fyrir fagfólk í myndupptöku og framleiðendur efnis – Nikon Z 6-grunnmyndupptökusettið. Það er hannað með frelsi að leiðarljósi, í því skyni að bjóða upp á grundvallarbúnað til að hefja tökur hratt og örugglega, með öllum nauðsynlegum verkfærum til að búa til hágæðakvikmyndir. Með því að gera kvikmyndagerðarfólki kleift að sérsníða frekari aukabúnað sem hentar óskum þess má komast hjá kostnaði við óþarfan búnað.

Í settinu er Nikon Z 6-spegillaus myndavél og FTZ-millistykki fyrir festingu sem býður upp á snurðulausa samþættingu við fjölbreytt úrval NIKKOR-linsa með F-festingu til að hægt sé að taka upp „full-frame“ 4K-hágæðakvikmyndir á miklum bitahraða. Fimm ása optísk titringsjöfnun (VR) í myndavél vinnur með rafrænu VR til þess að skila stöðugri myndatöku og Atomos-samskiptaregla með opnum kóða er studd til að auðvelt sé að samþætta Atomos Ninja V-upptökutækið sem fylgir með. Fastbúnaðaruppfærsla sem kemur út síðar á þessu ári styður ProRes RAW-upptöku frá Apple með flutningi RAW-mynda úr myndavélinni þegar Atomos Ninja V er notað, og býður upp á einstakan sveigjanleika við litaval. SmallRig-myndavélargrindin með flýtilosunarkerfi er með handfangi sem fest er ofan á vélina til að auðveldara sé að taka góðar hreyfimyndir og nota eltifókus.

Með því að setja á markað sett sem hentar fullkomlega fyrir sjálfstætt starfandi kvikmyndagerðarfólk býður Nikon upp á ódýra lausn sem er afar þægileg en hefur mikil áhrif. Sveigjanleiki er innbyggður frá upphafi, og því er hægt að sérsníða settið með viðbótarbúnaði þannig að það henti hvers kyns stíl í myndupptöku.

Dirk Jasper, markaðsstjóri hjá Nikon Europe BV, hafði þetta að segja þegar hann tók saman helstu kosti nýja settsins: „Með Z 6-grunnmyndupptökusettinu býður Nikon upp á langþráða lausn fyrir lengra komna og fagfólk í gerð hreyfimyndefnis sem vilja nýta sér hina háþróuðu myndupptökumöguleika Nikon Z 6. Þar sem hér er lögð áhersla á grundvallarþarfir kvikmyndatökufólks, án nokkurs óþarfa aukabúnaðar, er þetta tilvalið byrjunarsett til að skapa eigin vinnubrögð í kvikmyndaupptöku með Nikon – auk þess sem það býður upp á kosti væntanlegs möguleika á RAW-upptöku og er því góð fjárfesting til framtíðar.“

Hægt er að forpanta Z 6-grunnmyndupptökusettið núna og byrjað verður að senda það til kaupenda um miðjan september.

INNIFALIÐ

Nikon Z 6-myndavélarhús: 24,5 MP, 100-51200 ISO, 4K-kvikmynd lesin úr 6K án takmörkunar á pixlum, allt að 120 rammar á sekúndu í FHD, 10 bita N-Log og flutningur tímakóða, 8 bita innri upptaka með allt að 144 Mbps, hægmyndar- og Time-lapse eiginleikar innbyggðir í myndavél.

Nikon FTZ-millistykki fyrir festingu: gerir mögulegt að nota NIKKOR-linsur með F-festingu án þess að skerða gæði, þ.m.t. fjölbreytt úrval af kvikmyndalinsum.

Atomos Ninja V: sveigjanlegt yfirlit og upptaka á ProRes- og DNxHR-sniðum sem hægt er að vinna.

SmallRig-myndavélargrind með flýtilosunarkerfi: innbyggða flýtilosunarkerfið sem er samhæft við Manfrotto gerir notendum kleift að skipta á milli þrífótar og einfótar á engri stundu. 

Nikon EN-EL15b-rafhlöður: tvær litíum-hleðslurafhlöður sem tryggja að myndavélin er alltaf tilbúin að taka upp næsta atriði.

Snúin HDMI-snúra: með stuðningi við háhraða HDMI 2.0 fyrir 4Kp60 ProRes- og RAW-upptökur með hraðri rammatíðni.

5200 mAh-rafhlöður: tvær rafhlöður og hraðvirkt hleðslutæki halda Atomos gangandi eins lengi og þörf krefur.

SmallRig-handfang fyrir myndavélargrind: handfang sem fest er ofan á vélina til að auðvelda eltifókus.

SmallRig Magic Arm: hægt að festa Atomos Ninja V á myndavélargrindina með Magic Arm-klemmunni.

Frekari upplýsingar um fastbúnaðaruppfærsluna sem býður upp á stuðning við ProRes RAW-upptöku frá Apple má finna í fréttatilkynningunni sem gefin var út 27. ágúst 2019: „Nikon setur á markað sérhæfða þrívíða LUT-uppflettitöflu fyrir N-Log og kynnir stuðning við flutning myndefnis á RAW-sniði fyrir Nikon Z 7 og Z 6“. Fréttatilkynningar er að finna í hlutanum Fréttir á vefsvæði Nikon.