Nikon Imaging | Ísland | Europe

09-02-2018

Vörur frá Nikon hljóta verðlaunin „iF Design Award 2018“

Amsterdam, Hollandi, 9. febrúar 2018: Nikon er sönn ánægja að tilkynna að þrjár vörur frá fyrirtækinu hafa fengið verðlaunin „iF Design Award 2018“ á sínu sviði.

Verðlaunavörurnar eru:

Stafræn SLR-myndavél – Nikon D850

D850-vélin er nýjasta flaggskip Nikon, sem skilar „full-frame“-ljósmyndurum hinni fullkomnu blöndu af upplausn, hraða og ljósnæmi. Hún er frábær kostur fyrir ljósmyndara sem vilja alltaf geta skilað stórkostlegum myndum. D850 skarar fram úr á öllum sviðum, sem gerir hana að fullkominni myndavél fyrir atvinnumenn.

Stafræn SLR-myndavél – Nikon D7500

D7500 er háþróuð D-SLR-myndavél sem státar af léttu, sterkbyggðu og ódýrara húsi sem inniheldur þó allar helstu og mikilsmetnu nýjungarnar úr hinni rómuðu D500. Með 20,9 milljón pixla myndflögu, myndvinnslubúnað og breitt ISO-svið er óhætt að segja að hún sé bæði öflugt og fjölhæft verkfæri í höndum ljósmyndarans.

Fyrirferðarlítil stafræn myndavél – COOLPIX W300

COOLPIX W300 er sterkbyggð, fyrirferðarlítil stafræn myndavél sem er vatnsheld niður á 30 m dýpi, þolir fall úr allt að 2,4 m hæð og skilar frábærum 4K UHD-kvikmyndum. Þessi endingargóða myndavél er vel búin hugvitssamlegum eiginleikum til að fanga líflegar athafnir á borð við fjallgöngur, útilegur, skíðaferðir eða strandferðir.

Verðlaunin „iF Design Awards“ eru virt alþjóðleg hönnunarverðlaun sem eru kostuð af iF International Forum Design GmbH. Verðlaunin eru veitt fyrir starf á mismunandi sviðum, svo sem í vöruhönnun, samskiptum og umbúðahönnun. Í ár voru sendar inn yfir 6.400 umsóknir frá 54 löndum sem metnar voru af virtum óháðum sérfræðingum.