Nikon Imaging | Ísland | Europe

10-01-2017

Nikon kynnir merki og vefsvæði í tilefni 100 ára afmælisins

Amsterdam, Hollandi, 10. janúar 2017: Nikon fagnar 100 ára afmæli sínu 25. júlí 2017. Frá stofnun (sem Nippon Kogaku Kogyo) árið 1917 hefur Nikon séð heimsbyggðinni fyrir einstökum ljósrafeindabúnaði og nákvæmum tæknibúnaði.

Við hjá Nikon þökkum öllum sem tekið hafa þátt í þessu ferðalagi með okkur kærlega fyrir stuðninginn við þróun fyrirtækisins undanfarin 100 ár.

Við kynnum nú 100 ára afmælismerki Nikon og sérstakt 100 ára afmælisvefsvæði Nikon sem hluta af hátíðahöldunum vegna aldarafmælisins.

Merki í tilefni 100 ára afmælis Nikon

Merkið, sem hannað er af hönnunardeild Nikon, verður notað við ýmis tækifæri sem tákn um hátíðahöldin og til að deila viðburðum tengdum 100 ára afmæli Nikon með viðskiptavinum okkar um víða veröld.

Vefsvæði í tilefni 100 ára afmælis Nikon

Á sérstöku vefsvæði í tilefni 100 ára afmælisins – http://www.nikon.com/100th/ – verður boðið upp á sérstakt efni í tengslum við afmælið, til dæmis kvikmynd og yfirlit yfir sögu okkar síðustu 100 árin. Frekara efni verður áfram bætt við í aðdraganda afmælisins, sem við getum deilt saman til að halda upp á 100 ára afmæli Nikon.