Nikon Imaging | Ísland | Europe

10-11-2016

Gefðu sköpunargáfunni lausan tauminn með nýju, sítengdu D5600-myndavélinni

Amsterdam, Hollandi, 10. nóvember 2016: Nikon eykur við úrval sitt af SnapBridge-samhæfum myndavélum með D5600, DSLR-myndavél á DX-sniði fyrir fólk sem hefur áhuga á skapandi ljósmyndun. Nýja Nikon D5600 gefur nýjum hugmyndum byr undir báða vængi, hvort sem um er að ræða skuggaspil um hádegisbil eða kvikmyndaskot frá óvenjulegum sjónarhornum.

Myndgæðin eru í fyrirrúmi og þau er að finna í stórri 24,2 megapixla DX-myndflögu D5600 sem fangar fíngerða áferð og skilar myndum og kvikmyndum í tærri upplausn. ISO-svið upp á 100–25.600 og aukið ISO-ljósnæmi upp á 6400 í stillingunni „Night Landscape“ (landslag um nótt) tryggja einfalda meðhöndlun lítillar lýsingar eða erfiðra birtuskilyrða. Með SnapBridge frá Nikon geta notendur sjálfkrafa samstillt myndir við snjalltæki um leið og þær eru teknar og deilt árangrinum án tafar. Með D5600 býður SnapBridge einnig upp á að tengda snjalltækið sé notað fyrir fjarstýrða myndatöku í gegnum Wi-Fi® í tækinu¹. Þegar leitarinn er notaður í myndatöku býður Fn-snertieiginleikinn upp á aðgengilegan valkost í stað stjórnskífunnar eða fjölvirka valtakkans: Nú geta ljósmyndarar notað stjórneiginleikann „Auto sensitivity“ (sjálfvirkt ljósnæmi), auk þess að velja fókuspunkt eða breyta öðrum mikilvægum stillingum á stórum snertiskjánum. Að auki býður rammafærslustikan, sem komin er frá Nikon D5- og D500-myndavélunum, upp á skjóta flettingu í gegnum myndir í myndaskoðun. Nýi eiginleikinn Time-lapse Movie („Time-lapse“-kvikmynd) (kominn úr tæknilegri DSLR-myndavélum Nikon) auðveldar þeim sem taka upp kvikmyndir að spila hæg atriði á miklum hraða.

Jordi Brinkman, vörustjóri hjá Nikon Europe, segir: „Nýja D5600 er fullkominn valkostur fyrir snjallsímaljósmyndarann sem langar til að þróa ljósmyndunarhæfni sína frekar og deila árangrinum með öðrum. Viðbragðsfljótur, hreyfanlegur snertiskjár og optískur leitari veita þér fullkomið frelsi til að fanga heiminn frá þínu sjónarhorni. Öflug myndtækni Nikon gerir hverja einustu mynd þess virði að deila henni og SnapBridge auðveldar það.“

Helstu eiginleikar

- Nikon DSLR-myndgæði: Stór 24,2 megapixla myndflaga á DX-sniði, vítt ISO-svið upp á 100–25.600 og EXPEED 4-myndvinnsluvél skila frábærum myndum með tærum smáatriðum, líka í lítilli birtu.
- SnapBridge: notar Bluetooth® low energy-tækni (BLE)² til að tryggja stöðuga tengingu D5600 við snjallsíma eða spjaldtölvu án mikillar orkunotkunar. Samstilltu og deildu myndum í DSLR-gæðum hvar sem er um Bluetooth-tengingu. Flyttu kvikmyndir á einfaldan máta eða notaðu snjalltæki til að fjarstýra myndatöku í gegnum innbyggðan Wi-Fi-eiginleika myndavélarinnar.
- Hreyfanlegur snertiskjár: Stór 8,1 cm (3,2 to.) LCD-skjár með víðu sjónarhorni og hárri 1.037.000 punkta upplausn.
- Optískur leitari: U.þ.b. 95% umfang ramma með u.þ.b. 0,82x stækkun
- AF-nákvæmni: Þú missir ekki af neinu með hárnákvæmum 39 punkta sjálfvirkum fókus með níu krossnemum í miðjunni og raðmyndatöku upp á allt að fimm ramma á sekúndu.
- Kvikmyndir sem er þess virði að deila: Taktu upp hnökralaus og tær myndskeið í fullri háskerpu með allt að 50p/60p rammatíðni.
- Meðfærileg: Húsið vegur aðeins 415 g (u.þ.b.)³ og er með djúpu haldi sem skilar einstaklega þægilegu gripi.
- Sveigjanlegt kerfi: Samhæft við fjölbreytt úrval NIKKOR-linsa og Nikon-flassa, auk ME-1 víðóma hljóðnema og ME-W1 þráðlauss hljóðnema frá Nikon.
- Sett: D5600 er seld með nokkrum útgáfum af settum.. Einstaklega fjölhæft tvöfalt VR-aðdráttarlinsusettið er tilvalið til að fanga einstök augnablik á ferðalögum, myndefni í fjarska og allt þar á milli. Innifalin er D5600-myndavélin, AF-P DX NIKKOR 18-55mm VR-aðdráttarlinsa með gleiðhorni og AF-P DX NIKKOR 70-300mm VR-aðdráttarlinsa með titringsjöfnun. AF-P NIKKOR-linsur eru tilvaldar fyrir kvikmyndatöku því linsurnar hafa fljótan og hljóðlátan fókus sem býður upp á skýra kvikmyndatöku þar sem nánast ekkert heyrist í drifinu.

¹ Wi-Fi® er skráð vörumerki Wi-Fi Alliance.
² Orðmerki og myndmerki Bluetooth® eru skráð vörumerki í eigu Bluetooth SIG, Inc. og hvers kyns notkun fyrirtækisins Nikon og hlutdeildarfélaga þess á slíkum merkjum er samkvæmt leyfi.
³ Án rafhlöðu/SD-korts
Samhæfi til að deila
Setja verður Nikon SnapBridge-forritið upp á samhæfu snjalltæki áður en hægt er að nota það með myndavélinni.
Kröfur fyrir SnapBridge-forritið:
Android 5.0 eða nýrri útgáfa 
Tæki með Bluetooth 4.0 eða nýrri útgáfu