Nikon Imaging | Ísland | Europe

01-08-2016

HÉR ER FRÁBÆR MYNDAVÉL Í FRÍIÐ: NÝ VATNSHELD & HÖGGVARIN COOLPIX W100

Amsterdam, Hollandi, 01-08-16: Nýtt eintak hefur bæst í COOLPIX-línu fyrirferðarlítilla myndavéla frá Nikon og hér á ferðinni myndavél sem hentar vel í ævintýrin heima við og að heiman – 13,2 megapixla COOLPIX W100. Þú getur synt eða kafað með hana á allt niður á 10 metra dýpi¹, auk þess sem hún er höggvarin úr allt að 1,8 m hæð², kuldaþolin upp að -10 °C³ og rykvarin⁴ og þess vegna geturðu tekið hana með þér áhyggjulaust hvert sem er.

Taktu hágæðaljósmyndir og deildu þeim samstundis með SnapBridge, forriti sem flytur myndirnar sjálfkrafa á snjalltækið þitt þar sem auðvelt er að geyma þær og deila þeim á samfélagsmiðlunum. Með því að nota Bluetooth®⁵ low energy (BLE) tækni viðheldur SnapBridge stöðugri og orkunýtinni tengingu á milli COOLPIX W100 og snjallsímans eða spjaldtölvunnar og þannig geturðu haft góða stjórn á öllu sem tengist þinni ljósmyndun. Með einum hnappi má taka upp HD-kvikmyndir (1080p) með víðómi þar sem rafræn titringsjöfnun heldur myndinni hnökralausri og skarpri.

COOLPIX W100 er ótrúlega auðveld í notkun með sérsniðnum aðgerðahnöppum, einföldu viðmóti og sérstakri valmynd fyrir börn, myndavél sem hentar öllum aldurshópum. Hægt er að velja einfalda sjálfvirka stillingu ef óskað er eftir að myndavélin fínstilli allar stillingarnar og ná þannig ávallt frábærum myndum. Með 6,7 cm/2,7 to. 230.000 punkta TFT LCD-skjánum er auðvelt að ramma myndir inn, jafnvel í rökkri eða sólarljósi.

Aldrei hefur verið auðveldara að taka fullkomnar andlitsmyndir, bæði hefðbundnar myndir og í vatni. Snjallandlitsmyndakerfið virkjar eiginleika á borð við AF-andlitsstillingu, sem greinir andlitssvæði fyrirsætunnar sjálfkrafa og stillir fókusinn á það, á meðan stillingin Underwater face framing (andlitsinnrömmun í vatni) tekur myndir sjálfkrafa þegar hún greinir andlit fólks neðansjávar eða í sundlauginni.

Þegar Ines Bernardes, framleiðslustjóri fyrir COOLPIX hjá Nikon Europe, kynnti þessa nýju vatnsheldu og höggvörðu myndavél, sagði hún: „COOLPIX W100 skilar vönduðum ljósmyndum og HD-kvikmyndum – þetta er endingargóð myndavél sem ekki þarf að óttast um því að hún er hönnuð til að þola fall af ógáti á jörðina eða í sundlaugina. Hvert sem leið þín liggur getur SnapBridge samstillt myndirnar sjálfkrafa við snjallsíma eða spjaldtölvu í gegnum Bluetooth®⁵ low energy (BLE) og þannig geturðu deilt myndunum samstundis eða vistað þær. Myndavélin er þægileg og notandavæn og því hentar hún sérlega vel þegar þú ert á ferðinni. Barnvæna valmyndin gerir einnig að verkum að ljósmyndun verður eitthvað sem allir í fjölskyldunni geta tekið þátt í.“

¹ Samsvarar JIS/IEC-varnarflokki 8 (IPX8: ljósmyndun möguleg í 60 mín. í vatni niður á 10 m dýpi).
² (Stóðst skilyrði í höggprófun NIKON, sem samræmist MIL-STD 810F Method 516.5- Shock).
³ Niður í u.þ.b. -10 °C.)
⁴ Samsvarar JIS/IEC, varnarflokki 6 (IP6X).
⁵ Merki Bluetooth® er skráð vörumerki í eigu Bluetooth SIG, Inc. og notkun Nikon Corporation á slíkum merkjum er samkvæmt leyfi.