• Lykileiginleikar
• Tæknilýsingar
• Meðfylgjandi aukabúnaður
• Valbúnaður
• Myndir af vöru

Nikon 1: Snjallt og afar meðfærilegt myndavélarkerfi. Úrval lítilla 1 NIKKOR skiptanlegra linsa er í boði. Þú nýtur þess að fanga heiminn með þessari hraðvirku og einföldu myndavél.

CMOS-myndflaga á CX-sniði: skilar þér frábærum ljós- og kvikmyndum. Skilar afbragðs jafnvægi á milli kerfisstærðar, hraða, ljósnæmi, upplausn og dýptarskerpu. Gerir þér kleift að fanga 10,1 megapixla myndir af myndefni á miklum hraða í hvaða ljósi sem er.

Háhraða sjálfvirkur fókus: stillir fókusinn svo hratt að þú getur smellt af án tafar. Er búin ótrúlegum fjölda fókuspunkta sem skilar alltaf mikilli skerpu. Skiptir tafarlaust á milli AF-hlutagreini til að ná skínandi myndefni eða myndefni á hreyfingu og AF-birtuskilanema ef myndefnið er kyrrt eða illa upplýst.

EXPEED 3 myndvinnsla hönnuð til að skila hraða og afköstum sem eiga enga sína líka, í hvaða aðstæðum sem er. búin tveimur öflugum vélum sem vinna myndir á 600 megapixlum á sekúndu. Býður upp á frábæra suðhreinsun og byltingarkenndar tökustillingar myndavélarinnar.

Ótrúlega hraðvirk raðmyndataka: skilar myndum í fullri upplausn við allt að 60 ramma á sekúndu, og því er nánast engin hreyfing svo hröð að ekki sé hægt að fanga hana. Þegar þú þarft að stilla fókus á eitt tiltekið myndefni – t.d. barn eða gæludýr – fylgir myndavélin myndefninu eftir og fangar 10 myndir á sekúndu í fullri upplausn*3.

Skyndimynd á hreyfingu: gæddu ljósmyndirnar lífi með einum smelli. Nýtir úrvinnsluhraða myndavélarinnar til að taka upp hægmynd og ljósmynd á sama tíma. Þegar myndin hefur verið tekin sameinar myndavélin þessar tvær myndir og býr til „lifandi ljósmynd“ og fangar andartakið á nýjan hátt.

Snjallmyndaval velur alltaf bestu myndina. Myndavélin tekur 20 myndir í hárri upplausn áður og eftir að þú sleppir lokaranum og vistar síðan fimm bestu myndirnar, sem þú getur svo valið úr. Mælt er með myndum út frá svipbrigðum, myndbyggingu og fókus.

Ítarleg upptaka kvikmynda: gerir þér kleift að taka ljósmyndir í fullri upplausn*1 meðan á töku kvikmynda stendur, án þess að trufla upptökuna, og þú getur einnig tekið upp mjög hæga hægmynd til að skapa réttu áhrifin. Hægt er að taka upp kvikmyndir í fullum HD-gæðum og sjálfvirkur fókus með hlutagreini auðveldar þér að ná frábærum viðburðaríkum atriðum.

Falleg og stílhrein hönnun: myndavélarhúsið er sterkbyggt en þó létt og er til í ýmsum litum. Myndavélin er með 7,5 cm, 460.000 punkta LCD-skjá með víðu sjónarhorni og hlífðargleri.

Notandavænar aðgerðir: með skýrum valmyndum, fáum hnöppum, innbyggðu flassi og þægilegri stilliskífu með auðveldum aðgangi að tökustillingum. Sjálfvirka stillingin kemur í veg fyrir að þú þurfir að hafa áhyggjur af umhverfinu við myndatöku þar sem sjálfvirka umhverfisstillingin velur viðeigandi stillingar.

Innbyggt flass býður upp á aukaljós þegar þess er þörf. Tilvalið til myndatöku innanhúss eða til að mýkja myndir þegar sólin er á bakvið myndefnið. Það er hannað samhliða myndavélinni og tryggir rétta lýsingu.

Sveigjanlegt kerfi: 1 NIKKOR skiptanlegar linsur henta fyrir nánast hvaða myndefni sem er, þær eru byggðar fyrir upptöku hreyfimynda og eru smágerðar og afar meðfærilegar.

FT1 millistykki: með því að festa það á 1-festingu myndavélarinnar er hægt að nota hvaða NIKKOR SLR-linsu sem er. Það er tilvalið að prófa nokkrar gerðir linsa þegar maður prófar sig áfram í myndatöku, og ef notuð er AF-S eða AF-I NIKKOR-linsa geturðu samt nýtt til fullnustu magnað sjálfvirkt fókuskerfi Nikon 1*2.

Nikon 1 Short Movie Creator: býr sjálfkrafa til stuttmyndir úr ljósmyndum og kvikmyndum. Forritið er ótrúlega auðvelt í notkun og varðveitir gæði hverrar myndar og ramma efnisins sem þú tekur. Kvikmyndir geta verið allt að 30 mínútna langar og hægt er að velja úr fjölda stílsniða.

 

• *1 Myndir í fullri upplausn í kvikmyndastillingu (myndhlutfall 16:9) 3.840 x 2.160 (1080/60i).

  *2 Frekari upplýsingar um samhæfni við NIKKOR-linsur með F-festingum er að finna í handbókinni.

  *3 Með því að nota sjálfgefnar stillingar geturðu tekið myndir á 10 römmum á sekúndu með því að ýta afsmellaranum alla leið niður. Þegar myndir eru teknar stillir myndavélin fókusinn á myndefnið innan AF svæðis fyrir miðju skjásins. AF-andlitsstilling er ekki tiltæk. Þú getur stillt myndatökuhraðann á 30 ramma á sekúndu og 60 ramma á sekúndu með því breyta stillingum myndavélarinnar í valmyndinni.

 

Notendavænt klippiforrit. Býr sjálfkrafa til stuttmyndir úr ljósmyndum, kvikmyndum og tónlist. Býður upp á úrval myndrænna áhrifa.

Nælonhandól fyrir Nikon 1 myndavélar.

Hleðslutæki fyrir EN-EL20 litíum-ion rafhlöðu frá Nikon.

Mjög fyrirferðalítil litíum-Ion hleðslurafhlaða.

Allt í einum hugbúnaðarpakka. Getir þér kleift að flytja inn, flokka, breyta og deila myndum og myndskeiðum. Samhæft með Nikon Transfer. Samþætt við Nikon Image Space,

USB-gagnasnúra fyrir tilteknar Nikon-myndavélar.

Lok á hús fyrir Nikon 1 myndavélar.

Leðurhandól fyrir Nikon 1 myndavélar.

Leðurhálsól fyrir Nikon 1 myndavélar.

Fyrirferðarlítið köfunarhylki fyrir Nikon 1 J1 og J2 myndavélarnar. Hylkið er vatnshelt niður að 40 m og gerir þér kleift að ná einstökum myndum og kvikmyndum neðansjávar með Nikon 1.

Þægileg bólstruð hlíf fyrir Nikon 1 myndavélina þína og 1 NIKKOR linsuna.

Leðurhulstur fyrir Nikon 1 J1 myndavélina.

Leðurhulstur fyrir myndavél og linsu til að vernda Nikon 1 J1 myndavélina og 1 NIKKOR VR 10-30mm linsuna.

Rafmagnstengi til notkunar í tilteknum Nikon 1 myndavélum.

Leðurhulstur fyrir myndavélarhús og linsu til að vernda Nikon 1 J1 myndavélina og 1 NIKKOR VR 10mm gleiðhornslinsu.

Millistykki fyrir þrífót.

Gerir þér kleift að nota alls konar NIKKOR linsur með F-festingu með Nikon 1 myndavélinni.

Laust myndavélargrip fyrir Nikon 1 J1 og J2 myndavélarnar. Tryggir öruggt grip á myndavélinni sem gerir myndatökuna þægilegri.