Nikon Imaging | Ísland | Europe

25-07-2017

Nikon fagnar 100 ára afmæli með því að gefa út sérstakt afmælisefni

Amsterdam, Hollandi, 25. júlí 2007 – Nikon sendir frá sér sérstakt afmælisefni í tilefni af 100 ára afmæli fyrirtækisins þann 25. júlí 2017. Efnið verður hýst á sérstakri afmælissíðu Nikon og birt jafnt og þétt yfir sumarið. Þar verður að finna þekktar ljósmyndir, sögur og hollráð frá ljósmyndurum víða um heim sem hafa hjálpað til við að móta heila öld af ímyndunarafli og viðamikla sögu Nikon-vörumerkisins. Einnig verður þar boðið upp á sýndarferðalag um það sem fer fram á bakvið tjöldin á Nikon-safninu í Tókýó.

Frá stofnun fyrirtækisins undir nafninu Nippon Kogaku Kogyo árið 1917 hefur Nikon séð heimsbyggðinni fyrir einstökum vörum og sérþekkingu sem hefur sett ný viðmið fyrir linsutækni og nákvæman tæknibúnað. Afmælisefnið verður fjölbreytt – allt frá upplýsingum úr faginu til frægra einstaklinga sem nota vörurnar okkar – og því er ætlað að veita ljósmyndurum og aðdáendum innblástur inn í framtíðina.

Afmælisefnið er í fimm aðalflokkum:

Sögur í 100 ár

Síðustu 100 árin hefur Nikon gegnt mikilvægu hlutverki í að gjörbylta heimi ljósmyndunar. Hér deilir Nikon mikilvægum, persónulegum og fallegum frásögnum frá Evrópu og öllum heiminum, allt frá lykiláföngum í sögu fyrirtækisins, útgáfu myndavélargerða, nýsköpun, innblæstri frá atvinnuljósmyndurum, áhugaljósmyndurum og aðdáendum og allt þar á milli.

Sýndarsafn Nikon

Til að kynna arfleifð Nikon og hvar ævintýrið hófst hefur Nikon búið til 360° sýndarferðalag í gegnum heimsþekkt safn sitt í Tókýó. Áhorfendum er boðið inn í heim Nikon og geta þar fengið innsýn í tæknilausnir Nikon, vörur og helstu áfanga í sögu fyrirtækisins – þar á meðal hvernig Nikon hefur komið við sögu í lífeindafræði, lyfjaþróun og jafnvel í geimferðalögum.

Icons with Nikons

Fólk af öllum sviðum samfélagsins notar Nikon-myndavélar og linsur. Í þessari myndaröð sjáum við stjörnur úr tónlistargeiranum, sjónvarpi, kvikmyndum og íþróttum með Nikon sér í hönd.

Góð ráð í 100 ár

Frá árinu 1917 hefur Nikon stutt við bakið á ljósmyndurum í fagi sínu með því að miðla af þekkingu sinni og deila góðum ráðum, svo þeir geti sífellt haldið áfram að reyna á mörk hins mögulega í ljósmyndun, auk þess að veita áhugaljósmyndurum og aðdáendum góð ráð. Af þessu tilefni hefur Nikon fengið sérvalda ljósmyndara fyrirtækisins á heimsvísu til að velja með okkur bestu ráðin sem orðið hafa til út frá sérþekkingu okkar á heilli öld.

#LookBackAtNikon

Nikon hleypir einnig af stokkunum Instagram-keppni fyrir aðdáendur Nikon og áhugamenn um alla Evrópu en þar er m.a. hægt að vinna sér inn Nikon-myndavélar. Í keppninni er skorað á þátttakendur að taka speglaða mynd af sjálfum sér með Nikon-myndavélina sína. Þeir þátttakendur sem taka bestu sjálfsmyndina fyrir framan spegil, rúðu, vatnspoll eða á annan hugmyndaríkan hátt eiga möguleika á að vinna fjölmörg verðlaun, þar á meðal Nikon D500 eða D7500. Fylgstu með @NikonEurope á Instagram til að fá frekari upplýsingar.

Nánari upplýsingar um 100 ára afmæli Nikon og hvernig þú finnur afmælisefnið er að finna á afmælissíðunni.