Nikon Imaging | Ísland | Europe

31-05-2017

Upplifðu ævintýrið með glænýju COOLPIX W300-myndavélinni sem hentar öllum veðrum

Amsterdam, Hollandi, 31. maí 2017: Nikon kynnir glænýju COOLPIX W300-myndavélina – litlu vélina sem hentar öllum veðrum og hægt er að nota neðansjávar. Þessi einfalda myndavél er tilvalin fyrir ævintýrafólk sem vill taka myndir í villtri náttúru, í borginni og alls staðar þar á milli.

COOLPIX W300-myndavélin tekur 16 megapixla myndir og tekur upp 4K-/UHD-kvikmyndir á allt að 30 m dýpi án húss.¹ Hún stendur sig einnig vel á landi því þessi rykvarða litla myndavél getur tekið myndir við allt að -10 °C.² Höggvarið húsið þolir fall úr allt að 2,4 m hæð.³ Björt NIKKOR-aðdráttarlinsan með gleiðhorni veitir notandanum frelsi til að fanga frábærar myndir í lítilli birtu eða myrkum undirdjúpunum. Makróstillingin fangar ítarlegar nærmyndir af smáum undrum fyrir ofan eða neðan vatnsyfirborðið. Stuðningur við GPS/GLONASS/QZS einfaldar myndatöku með staðsetningarmerkingu og skráningu ferðalaga. Þá gerir SnapBridge-tengingin notendum kleift að samstilla myndir við snjalltæki um leið og þær eru teknar, eða nota snjalltækið fyrir fjarstýrða myndatöku.

Ines Bernardes, vörustjóri hjá Nikon Europe, segir: „Ef þú elskar ævintýri er þetta fullkomin lítil myndavél fyrir þig. Leggðu af stað með COOLPIX W300-myndavélina og þú getur fangað skemmtunina í sundlauginni, fegurðina við yfirborðsköfun eða jafnvel tekið upp köfunarprófið til að fá alþjóðlega köfunarskírteinið „Advanced Open Water“! Þú getur myndað landslag aftan úr jeppa eða kvikmyndað skemmtunina í skíðabrekkunum – án þess að þurfa að hafa áhyggjur af myndavélinni. Með SnapBridge-tengingunni er leikur einn að deila ævintýrunum um leið og þau gerast.“

Helstu eiginleikar

- Sterkbyggð smíði. Mikil afköst. Raunverulegt frelsi. Vatnsheld niður að 30 m dýpi án húss.¹ Höggvarin fyrir falli úr allt að 2,4 m hæð.² Rykvarin og frostvarin niður í -10 °C.³
- Spennandi augnablik. Frábærar myndir. Næm, baklýst 16 megapixla CMOS-myndflaga og björt f/2,8 linsa með 5x optískum aðdrætti. 10x Dynamic Fine Zoom⁴ tvöfaldar drægi linsunnar til að færa þig enn nær myndefninu.
- Sýnir meira af heiminum. Tekur upp 4K/UHD 30p myndefni eða kvikmyndir í fullri háskerpu (1080p) á landi eða neðansjávar. Nýr AE-lás hjálpar til við að taka upp snurðulaus myndbönd á meðan birtan breytist, sem hentar sérstaklega vel við upptöku neðansjávar.
- Skörp og stöðug. Hraður sjálfvirkur fókus og fimm ása samsett titringsjöfnun Nikon skila hraðri og nákvæmri myndatöku – á landi eða neðansjávar.
Veit hvert þú ferð. Sýnir hvert þú hefur farið. Nýr verkfærahnappur myndavélarinnar birtir samstundis GPS, fjölda skrefa og hæð/dýpt eða loft-/vatnsþrýsting á skjánum.
- Einföld notkun fyrir ævintýraríkt líf. Þægilegt grip, stór skjár og einföld notkun neðansjávar eða í hönskum.
- Heimurinn bíður. Finndu hann. Skrúfgangur fyrir þrífótarfestingu myndavélarinnar hentar vel fyrir aukabúnað – eins og SB-N10 neðansjávarflassið frá Nikon – sem og til að taka Time-lapse kvikmyndir með þrífæti.


¹ Vatnsvarin: uppfyllir prófunarskilyrði Nikon sem samsvara JIS/IEC-varnarflokki 8 (IPX8). Mögulegt er að taka myndir á allt að 30 m dýpi í u.þ.b. 60 mínútur.
² Frost-/rykvarin: uppfyllir prófunarskilyrði Nikon sem samsvara JIS/IEC-varnarflokki 6 (IPX6).
³ Höggvarin: uppfyllir prófunarskilyrði Nikon sem samsvara MIL-STD 810F Method 516.5-Shock (látin falla úr 240 cm hæð á 5 cm þykkan krossvið).
⁴ Dynamic Fine Zoom getur náð tvöfalt meiri aðdrætti en lengsta optíska aðdráttarsviðið en heldur þó enn hámarksmyndupplausn.

Samhæft við SnapBridge
Bluetooth®- og Wi-Fi®-tengimöguleikar myndavélarinnar eru aðeins í boði þegar SnapBridge er notað. Áður en hægt er að nota SnapBridge með þessari myndavél þarf að setja SnapBridge forritið frá Nikon upp á samhæfu snjalltæki.

Orðmerki og myndmerki Bluetooth® eru skráð vörumerki í eigu Bluetooth SIG, Inc. og hvers kyns notkun fyrirtækisins Nikon og hlutdeildarfélaga þess á slíkum merkjum er samkvæmt leyfi.
Wi-Fi® og merkið Wi-Fi Certified eru skráð vörumerki Wi-Fi Alliance®.
Android og Google Play eru vörumerki Google Inc.