Nikon Imaging | Ísland | Europe

Nikon D3400 – Hnotubrjóturinn í myrkri

Í þessari einstöku myndatöku tók Nikon höndum saman við Melissu Chapski og dansljósmyndarann Laurent Liotardo til að undirstrika kosti nýju D3400-myndavélarinnar frá Nikon, DSLR-myndavélar á DX-sniði fyrir byrjendur í ljósmyndun sem gerir notendum sérlega auðvelt að taka afburðaljósmyndir og deila þeim samstundis.

Kíktu á #D3400ímyrkri til að sjá Melissu dansa þennan sígilda jólaballett og sjá hvernig De Brakke Grond-leikhúsinu í Amsterdam var gerbreytt til að ná þessum einstöku myndum.

Myndataka með Nikon D3400 við litla birtu | „Dans sykurplómuálfsins“ í myrkri

Nikon kynnir „Dans sykurplómuálfsins“ úr Hnotubrjótnum

Laurent Liotardo

Laurent er fæddur í Marseille í Suður-Frakklandi en býr nú og starfar í London. Hann hefur starfað sem ljósmyndari í rúm tíu ár og sérhæfir sig í myndatökum á dansi, brúðkaupum og myndatökum fyrir kvikmyndir.

Laurent hefur ástríðufullan áhuga á bæði ljósmyndun og ballett. Hann hefur verið atvinnudansari frá því að hann var 17 ára og á ferlinum hefur hann komið fram um allt Frakkland, en árið 2003 flutti hann til Bretlands og gekk til liðs við Enska þjóðarballettinn, þar sem hann dansar enn í dag. Laurent hefur notað Nikon-myndavélar árum saman, þá einkum D810, D5 og D700-vélarnar, og er mikill áhugamaður um NIKKOR-linsur með fastri brennivídd (AF-S NIKKOR 24mm f/1.4G ED, AF-S VR Micro NIKKOR 105mm f/2.8G IF-ED, AF-S NIKKOR 105mm f/1.4E ED), sem eru þær linsur sem hann notar framar öðrum.

Melissa Chapski

Melissa Chapski er 19 ára og hefur dansað frá því að hún var 15 ára – sem telst fremur stuttur ferill í hennar listgrein. Hún er ættuð frá Massachusetts í Bandaríkjunum og lærði dans í ballettskóla fyrir atvinnudansara hjá Ellison-ballettinum í New York. Hún býr nú í Amsterdam og hefur verið dansari í yngri flokki Þjóðarballettsins í Hollandi frá því í ágúst 2015. Hún hefur tekið þátt í fjölmörgum alþjóðlegum keppnum og hlaut m.a. gullverðlaun í alþjóðlegu ballettkeppninni í Indianapolis og fyrstu verðlaun í Youth America-keppninni árið 2015.